تفتكر هقدر

بقلم / منال راتب

تفتكر هقدر انسي سؤالك عليا
كنت فين .. عملت ايه .. وازاي كان بيبقي حالك
لو غبت عنك يومين
تفتكر هقدر انسي
لما كنت بتبقي جنبي ناسي بيا كل شيئ
تفتكر هقدر
انسى اللى كان
انسى ايام عشتها فى امان
تفتكر هقدر انسى احلى كلام قولتهولى
ولا انسى فرحة عيونى
تفتكر هقدر انسى قلبك الحنين
ولا همسك ليا وحدى
ولا خوفك عليا لما اغيب عنك ثوانى
تفتكر هقدر انسى ايام كنت ليا
عمرى .. روحى .. نور عنيا
ولا انسى عمر عشته ناسيه فيه غدر الليالى
تفتكر هقدر انسي
ايام مرت عليا
ضحك .. فرح .. شوق .. حنين
ولا فكرنا مين معانا ولا حتي احنا فين
تفتكر هقدر انسي
وانت زعلان مني وبتعاتبني بحب السنين
تفتكر هقدر انسي
ايه ولا ايه والا ايه
ده اللي عشته معاك حبيبي ولا تقدر عليه السنين .